تاند:( چار شنبه، د جدي څوارلسمه)کندهار ولایت ته د تخنیکي او مسلکي زده کړو د مرکزونو لپاره څه باندې 10 زره ټوکه نوي چاپ شوي کتابونه ورسېدل.
د تخنيکي او مسلکي زده کړو اداره وايي، چې دا کتابونه د کرنې، ادارې او سوداګرۍ، کمپیوټر ساینس او ساختماني انجينرۍ اړوند دي.
سرچینه زیاتوي، چې ياد شوي کتابونه نورو ولايتونو ته هم استول شوي.
معلومه نه ده، چې د دغو کتابونو په محتوا کې خو به د طالبانو ادارې بدلون نه وي راوستی.
څه موده مخکې د لوړو زده کړو او پوهنې د تعليمي نصاب په اړه د طالبانو په رسنیز شویو پلانونو کې د پراخو بدلونونو خبر ورکړل شوی و.
د طالبانو پر تعلیمي کړنلارو نيوکه ده، چې د مسلکي او تعليمي معیارونو پر ځای پکې هر څه ته د دوی سخت دریځه سياستونو له عینکو کتل کیږي او هڅه کیږي، چې خلک طالباني روحیه وروزي.