تاند(شنبه، د جدي ۱۰ مه) د افغانستان د طالبانو او ازبکستان د ریللارو د ادارو د موافقې پر اساس د مزارشریف – حیرتان د ریللارې مسوولیت افغان لوري ته وسپارل شو.
دا ریللاره، چې یوولس کاله پخوا جوړه شوې، یوه ازبکستاني شرکت (سوګدیانا ترانس) اداره کوله خو ټاکل شوې وه چې له یوه مهالوېش سره سم به افغانانو ته سپارل کېږي.
د افغانستان د ریللارې ادارې، چې د طالبانو په کنټرول کې ده، ویلي چې له دې موافقې وروسته به د سوداګري مالونو لېږد رالیږد په عادي ډول دوام وکړي.
د حیرتان- مزارشریف ریللار ازبکستان جوړه کړې ده. ازبکستان غواړي چې دا ریللار د پېښور تر تړرخم پورې وغځوي او د پېښور له ریللارې سره یې وصل کړي.
د دغه هیواد چارواکو په وروستیو کې وویل چې په نوي ۲۰۲۳ کال کې به له پانګوالو سره د دې پروژې په اړه خبرې بیل کړي.