جمعه, مارچ 29, 2024
Homeخبرونهکندهار کې د ملايانو او خبریالانو ګډه غونډه وشوه

کندهار کې د ملايانو او خبریالانو ګډه غونډه وشوه

تاند:( پنجشنبه، د جدي اتمه) په کندهار کې د طالبانو ځايي چارواکو د خبريالانو او خپلو ملايانو تر منځ د همغږۍ غونډه کړې ده.

‏د دې غونډې پر مهال د طالبانو د کندهار د اطلاعاتو او کلتور سيمه ييز رئیس مولوي نوراحمد سعید وويل :« د خوښۍ ځای دی چې دا ځلې د محترمو شیخو کرامو په شتون کې له خبریالانو سره ناسته کوو.»

‏د کندهار د امربالمعروف او نهي عن‌المنکر رئیس شیخ‌ مولوي عبدالرحمن طیبي وویل، چې خبریالان باید د افغانانو او مسلمانانو په توګه د هیچا تر تاثیر لاندې نه شي او په پوره مېړانه خپلو فعالیتونو ته دوام ورکړي.

 په دې غونډه کې د طالبانو يو شمېر نورو ملايانو هم خبريالانو ته د فعاليتونو په اړه نصيحتونه کړي او د هغو په اساس يې د چارو د مخته وړلو سپارښتنه کړې ده.

د طالبانو له واکمنيدو سره، د دوی د رييس الوزرا او اميرالمومنين له حکمونو سره سم د امر بالمعروف چارواکي پر ټولو ارګانونو او خلکو حاکم دي او په چارو کې يې د «اصلاح» حق لري.

LEAVE A REPLY

Please enter your comment!
Please enter your name here

- Advertisment -

ادب