تاند:(دوشنبه ،د عقرب در ویشتمه) د طالبانو د حاکمې ادارې په ګډون د افغانستان مختلفو لوریو د ترکیې په انقره کې د تروریستي پېښې غندنه کړې ده.
دا پېښه چې پرون ناوخته د یوې چاودنې په رامنځته کیدو سره د انقرې په یوه مهمه سيمه کې تر سره شوه، د ۶ تنو د وژل کیدو او شاوخوا ۸۰ تنو د ټپي کیدو خبر پکې ورکړل شوی.
په افغانستان کې د طالبانو حاکمې ادارې، پخواني ولسمشر حامد کرزي، د مصالحې د پخواني شورا رييس عبدالله عبدالله او یو شمېر نورو سياستوالو دغه پېښه غندلې ده.
د ترکیې د ولسمشر مرستيال ويلي، چې دغه چاودنه د يوې ښځې لخوا رامنځته شوې، خو په اړه ېې نور جزییات نه دي ورکړي.