تاند:( یکشنبه ،د ميزان درېيمه) په کندهار کې د طالبانو د ادارې د معارف چارواکو ويلي،چې سږ کال ېې څه کم یو نیم میلیون کتابونه پر زده کوونکو ویشلي.
د کندهار د معارف یوه مقام مفتي قدرت الله وصال وويل، چې دغه کتابونه د ښار د ۷۰ ښوونځیو په ګډون په ټولو ولسوالیو کې وېشل شوي.
د هغه په وینا “دغه شمیر کتابونه په تیرو کلونو کي کندهار ولایت ته نه ول رالیږل سوی، خو د طالبانو له واکمنيدو سره د د لومړي ځل لپاره یاد ولایت ته ولېږدول شول”
د طالب چارواکو په خبره، په کندهار کې د هلکانو ټول تړل شوي ښوونځي ېې هم بیرته پرانيستي.
د کندهار په ګډون د يو شمېر پښتنو ولايتونو لسګونه ښوونځي د شل کلن جمهوري نظام پر مهال د طالبانو د ګواښونو له امله تړل شوي او سوزول شوي وو.