تاند( چار شنبه ، د اسد ۱۹ مه) د کابل په یکه توت سیمه، د ژوندون ټلویزیون په ودانۍ کې نن ماښام ناوخته اور لګېدلی.
د ژوندون ټلویزیون موسس پوهاند محمد اسماعيل يون په خپله فیسبوک پاڼه کې لیکلي، چې دغه اور د ټلويزيون په ځمکتلي کې د نا معلوم دلیل له کبله رامنځته شوی.
نوموړي سیمې ته د اور وژونکې ادارې د کسانو د ورتلو خبر ورکړی او ویلي،چې تر دوو ساعتو هڅو وروسته هم اور نه دی کابو شوی.
نوموړي د پېښې له نورو جزییاتو ناخبري ښودلې او ويلي،چې وروسته به روښانه شي.
د طالبانو چارواکو په دې اړه څه نه دي ويلي.