تاند( پنجشنبه ، د اسد ۱۳ مه) د خوړو نړيوال سازمان وایي،چې له هرو ۱۰ افغانانو څخه ۹ تنه ېې د خوراک لپاره کافي خواړه نه لري.
دغه سازمان د افغانستان په اړه په خپل یوه تازه راپور کې ویلي،چې د روان ميلادي کال له پیله تراوسه یې له ۱۹ ميليونه افغانانو سره مرسته کړې ده.
د سرچينې د معلوماتو له مخې، سږ کال ۵ميليونه ماشومان او حامله او شيدې ورکوونکې ښځې د خوارځواکۍ له خطر سره مخامخ دي.
ویل شوي،چې دمګړۍ ۳،۹ میلیونه افغان ماشومان له خوار ځواکۍ ځوريږي.
په افغانستان کې اقتصادي ستونزې او د خوړو کمښت د جمهوري نظام په موده کې هم وې،خو د طالبانو په لاس د افغانستان له سقوط سره اقتصادي او بشري ناورين اوج ته رسېدلی.
د خوړو نړيوال سازمان ويلي، چې د افغانستان د ټول نفوس شاوخوا نیمايي برخه (۲۴ميليونه) وګړي خوراکي خونديتوب او څه باندې ۹۰ سلنه نور کافي خواړه نه لري، چې دغو ټولو ارقامو په دغه هېواد کې د بشري فاجعې د رامنځته کيدو خطر زيږولی دی.