تاند( شنبه ، د اسد ۸ مه) د طالبانو د کورنیو چارو وزارت ویلي، چې په باميان کې ېې د تقلبي واکسيناتورانو يوه ډله د بې هوښۍ درملو سره نیولي.
د یاد شوي وزارت په یوه اعلامیه کې راغلي، چې دغه کسان په پنجاب ولسوالۍ کې نیول شوي او پلټنې ورڅخه روانې دي.
طالبانو د نیول شویو کسانو هويت، ورسره د نیول شویو درملو اندازه او له دغه کار څخه ېې احتمالي هدف نه دی په ډاګه کړی.
د طالبانو د اعلاميې له مخې، له دغو کسانو څخه د قضيې د نورو خواوو د روښانتيا په هدف پلټنې کوي.