تاند( جمعه ، د سرطان لسمه ) په ننگرهار کې د طالبانو چارواکو د جلال اباد ښار د څلورمې حوزې اړوند روښان مېنه کې د (۵) داعشیانو د وژل کیدو او ۲ نورو د ژوندي نیول کیدو خبر ورکړی.
په ننگرهار کې د طالبانو د استخباراتو رییس ډاکتر بشیر ويلي، چې پرون مازیگر مهال د جلال اباد ښار په څلورمې حوزې روښان مېنه کې د داعش وسله والو پرضد عملیات ترسره شول چې په پایله کې یې پنځه تنه د یو قوماندان په شمول وژل شوي او دوه تنه نور یې ژوندي نیول شوي.
د نوموړي په وينا، داعشیانو په یو کور کې غوښتل ماینونه جوړ کړي، خو دوی کشف او له منځه يوړل.
داعش ډله معمولا د طالبانو د داسې څرګندونو په اړه غبرګون نه څرګندوي.