تاند( دوشنبه ، د سرطان شپږمه ) د طالبانو تر کنټرول لاندې د افغانستان بانک مسوولينو ويلي، چې هیچا یا شرکت ته ېې د « انلاين فورکس» جواز نه دی ورکړی.
ياد شوي بانک په دې اړه فعاليت کوونکي ناقانونه ګڼلي او ټینګار یې کړی، چې خلک داسې مراجعو سره مالي معاملې باید ونه کړي.
افغانستان بانک له خلکو غوښتي ، چې داسې ادرسونو سره د مخ کيدو په صورت کې خبر ورکړي، څو عدلي او قضايي ارګانونو ته معرفي شي.
د یادونې وړ ده، چې په وروستيو کې په افغانستان کې د انلاين کاروبار په نوم ډېرې هڅې شوي او زيات خلک دغه کاروبار کې خپلې پیسې بندې کړي دي.
اقتصادي شنونکي هم په دې برخه کې پر احتياط او اقتصادي متخصصينو سره پر مشورو ټینګار کوي.