په سوداګرۍ او اداره کې د مختلفو کلتورونو اغیزې Diverse cultures effects in business and administration

سپوږمۍ .پسرلی جبارخیل Europe
7/26/2022

نن ور ځ په ټولو ملي او نړیوالو اداروکې کارکونکي دیو مذهب او یو کلتورڅخه نه استخدام کیږي ځکه دایوه اړتیاده ، کارکونکي په بیلابیلو برخوکې مختلف تحیصیلات مهارتونه اوتجرې لري ،کاري ټیمونه یې د مختلفو اشخاصو څخه جوړ شوي چې د نورو څخه په جلا توګه کار کوي. کارمندان په ځان باور لري او له زدکړو او مهارتونو څخه په استفادې ښې لاسته راوړنې لري همدا لاسته راوړنې باعث کیږي چې د ادارې لخوا هم ستایل کیږي اوهم درتبې له نظره پرمختګ کوي.
کلتوري تنوع هغه وخت منځ ته را ځي چې وګړي د مختلفو لکه مذهب ، ذات،رنګ، زبه لرونکي وي.ټول هغه نورمونه او ارزښتونه چې په اداري سازمان کې رامنځ ته کیږي،او ورسره ګډیا چې دمشترکو قواعدو په بنسټ استوار وي دمتنوع کلتور په اساس را منځ ته کیږي.
تنوع په یوه ګروپ کې د خلکو د مختلفو ځانګړتیاوو او شالیدونو په توګه تعریف شوی لکه عمر، جنسیت، تعلیمي پس منظر، مذهب، ژبه ،سیاسي باورونه، ټولنیز اقتصادي وضعیت، او سمت شامل دي.
د دې مقالې موخه دا ده چې چې کلتوري تنوع څنګه د مدیریت او تجارتي برخو کې رول لوبوي سربیره پردې ، موږ به پدې تمرکز وکړو چې اوس مهال کومې پرووسې شتون لري چې د تنوع توازن او د بشري منابعو یا استخدام په برخه کې چې کومې ننګونې وجود لري معلوم اوپه راتلونکي کې ورته لازم اقدامات او ستراتیژۍ وپلټو.
نن ورځ ټولې ادارې چې کاري ځواک لرونکي دي د مختلفو نسلونو، عمرونو، جنسونو، مذهبونو او د ژوند طرزالعملونو څخه جوړ شوی دی. ډیری سازمانونه په دې پوهیږي چې کاري ځواک بدلیږي اویا دبدلون په حالت کې دي ، او دوی د کاري چاپیریال رامینځته کولو لپاره کار کوي په کوم کې چې تنوع او توپیرونه تعریف او ارزښت لري ترڅو کارمندان وکولی شي خپل بشپړ ظرفیت ته کار وکړي. دا د یوې ادارې د مدیریت دنده ده چې پرته له تبعیضه او سمت پالنې خپل پرسونل سره همغږی او هم یوځای او د هر کارمند وړتیا او استعداد او دکارونو په شایستګۍ کې پرسونل ته مکافات او مجازات ورکړي.
دکلتوري تنوع ټول فعالیتونه په اداري اوتجارتي مسایلو مثبت او سالم رقابت په توګه ثابت شي، که چیرې دمهارت او علمي میتودونوپه واسطه سره عملي شي پایلې به یې هم ښې وي او تداوم به هم وکړي، مګر برعکس که دپرسونل دناخوښۍاو کاري چاپیریال په درلودلو سره غیرعا دلانه او غیر منصفانه وي بې دشکه هم په اداري سازمان منفي اغیز کوي او هم هغه ګروپ چې دمختلفوکلتور څخه جوړدی دناکامۍ سره مخ شي .
په سویډن کې دکارلستاد پوهنتون د ارتباطاتواو کلتوردبرخې استاد توماس دتنوع کلتورد موجودیت په باره کې وايي چې :
1. دکلتوري تنوع پیداکیدل د سړې جګړې پای، نړیوال کول او نړیوال مهاجرت
2. په غربي هیوادونوکې د ګړندي عمر لرونکي وګړي ډیموګرافیک بدلون (د کار ځواک)
3. د تنوع کلتور تداوم د اقتصادي او ټولنیز ارزښت یا ESG – environmental, social and corporate governance) چې په کې داجتماعي او مشارکتي دولت شمامل دي رامنځ ته شوی.
4. دتنوع کلتورونو رامنځ ته کیدل د دیموکراتیکو او بشري حقونو(شاملول او استازیتوب)
5. سیاسي او حقوقي (د تبعیض ضد قانون)
6. په ټوله نړۍ کې د پیرودونکو، کارمندانو او پانګوالود زیاتوالي اصلي لامل دمتنوع کلتورونو په اساس.
په دې ورستیو کلنو کې د نړۍ په کچه نه یواځې په اداري او اقتصادي برخو کې بلکې په سیاسي او اجتماعي بر خوکې هم مهم ده. علمي تجربې پوهه او مهارتونه چې یو شخص یې اکثرا دکلتوري ځانګړتیاو لخوا ترلاسه کوي، کوم چې هر کارمند ته اجازه ورکوي چې په ازاداه او دیموکراتیکه فضا کې سوداګرۍ ، اداري او نورې اړونده مسایل په ښه شکل سره مخ ته یوسي. کلتوري تنوع د تجارت په ډګر کې د دوو اړخوونو او اشخاصو تر منځ تبادله او د افهام او تفهيم وسيله ګرځي البته نوموړي فعاليتونه ډول ډول موخې او مقاصد له ځان سره وړي چي په پوهني, علم تجربو اونور و اړینو ضروري توکو باندي استواره وي.
متنوع کلتورونه چې په اداري، مالي ،سیاسي او اجتماعي برخوکې مهم رول لوبوي سره له دې چې نړیوال کول یا Globalization د سوداګرۍ او په نورو برخو کې مهمه ده چې وکولای شي په نړیوال بازار کې متقابل عمل وکړي ، دمتنوع کلتورونو دغړوبله ګټه داده چې دلته ددوۍ ترمنځ تبعیض زیات نه لیدل کیږي
د کارکوونکو تر منځ د کلتوري تنوع هڅونه او ګټورتوب اکثرا د مدیریت یا رهبرۍ په ګټه تمامیږي، د مدریت یا رهبرۍ د پالیسیو څخه یو دا هم ده چې چارو کې دهماهنګۍ ترڅنګ، نوښتونه او هڅونه منځ ته راځي.
په اداره کې د متنوع کلتورونو خلک کاري ځواک رقابت لپاره مهم رول لوبوي ، پوهه، وړتیاپه مسلک کې دمهارتونو لاسته راوړل او استعداددونه دمتنوع دکاري ګروپ یوه مثبت ګڼل کیږي هڅونې، روزنې، هوساینې، فعالیت، او خوندیتوب اود کارمندانو
یو متنوع کلتوري ګروپ د یوې ادارې لپاره په ډیری لارو کې ګټور وي، په ځانګړې توګه د د تولید، موثریت،مثمریت، کمیت اوکیفیت له مخې پایله دا ده چې ټول خلک به د ارزښت احساس وکړي او خپل ځان مهم وګڼي، پرته له دې چې توپیرونه وي. کارمندانو ته د مختلفو خلکو سره د کار کولو فرصت ورکول چې میز ته مختلف مهارتونه او نظرونه راوړي به دوی سره مرسته وکړي چې پوه شي چې هرڅوک د مختلفو دلیلونو لپاره ارزښتناکه او مهم دي. د ارزښت احساس کول به مثبت اغیزه ولري او کولی شي د هر کارګر مورال ته وده ورکړي، د کار ځای کې مثبتیت او تولید هڅوي، کلتوري تنوع نه یواخې په اداره کې بلکې د صنعت او د اقتصاد په برخه کې هم مرسته کوي.
متنوع کلتوري پرسونل د هرې ادارې لازمي برخه ده، د مختلفو ټولنیزو پس منظرونو څخه د مختلفو خلکو د مخلوط سبب ګرځي، کوم چې د سوداګرۍ چاپیریال کې تسهیلات رامنځ ته کوي. سازمانونه تطابق کوي ترڅو خپلو کارونو او سوداګرۍ ته دوام ورکړي.
همدارنګه په نړیوالو سوداګریزو چارو کې هم سوداګریزو فکتورونو په ځانګړې توګه د اړیکو په اړه د کلتوري تنوع اغیزې ګټورې ثابتې شوي دي په بیله بیا د اړیکو رامینځته کولو څرنګوالي او هم په بهرنیو هیوادونو کې د سوداګرۍ کولو کلتوري تنوع اود کاري ځواک دفعالیتونوپه اساس په ملي او نړیوالو مارکیټونوکې د خپلې سوداګرۍ تولیدات په اغیزمنه توګه خرڅوي او هم نړیوالومشتریانو ته د پیداکولو امکانات برابرولی شي بله ګټه یې داده چې په نړیوالوبازارونو کې اعتماد پیداکوي چې دغه اعتماد هم دشرکت په ګټه او هم د شخص په دغه برخو کې زیات مهارت ترلاسه کوي.
کلتوري تنوع نه یواځې په اداري اواقتصادي برخه کې بلکې د ژوند په ټولو اړخونوکې خورا مهم دی، لکه د تعلیم په برخه کې ،نړۍ کې زده کونکي د کیفیت زده کړې ته د مساوي لاسرسي حق لري، او په دې توګه، ډیری لوړتیاوې شتون لري چې حتی د زده کړې د نصاب دننه ترسره کیږي. د متنوع زده کونکي د دې امتیاز لري چې د خلکو په اړه پوهه ترلاسه کړي.
کلتوري تنوع د یوې ډلې یا سازمان یا سیمې د جوړښت یا څو کلتوریزم څخه عبارت دی.
پدې کې بیلابیل ټولنیز جوړښتونه، د باور سیسټمونه، او ستراتیژۍ شاملې دي چې کلتورونه یې د نړۍ په مختلفو برخو کې د ژوند شرایطو سره سمون لپاره کاروي.
د نژاد، ژبې، توکم، د ارزښتونو سیسټمونو، مذهب او محلي کلتورونو توپیر چې په ټولنه کې مختلف ګروپونه جوړوي.
په درنښت
ستاسو ددوعاګانو په هیله
سپوږمۍ پسرلی جبارخیل ستاسو خور