تاند( یکشنبه، د جوزا ۲۹ مه) د فراه ولايت د انار درې ولسوالۍ لپاره د طالبانو امنیه قومندان او دوه ساتونکي یې د موټر اوښتو پېښه کې ټپيان شوي او ۲ نور طالبان وژل شوي دي.
ځینو سرچینو رسنيو ته ويلي، چې نوموړي د يوه ډله غلو د نیولو هڅه کوله، چې موټر یې اوښتی او دا پېښه رامنځته شوې ده.
د طالبانو ځايي چارواکو په دې اړه څه نه دي ويلي.
د راپورونو له مخې، د افغانستان په مختلفو برخو کې هره ورځ پر طالبانو داسې مختلفې پېښې رامنځته کېږي، خو ډېر وخت نه رسنیز کیږي.
له موټرو او جغرافیې سره نابلدي او غیر مسلکي توب د طالبانو له لوري د موټرو د نسکوریدو او ورته د تلفاتو يو اصلي دليل ګڼل کېږي.
طالبانو په وروستيو کې د خپلو پولیسو د مسلکي روزنې د هڅو په اړه ډېر خبرونه ورکړي.