تاند(چار شنبه، د جوزا ۱۱ مه) له سمنګان ولايت څخه خبري سرچينو ويلي، چې طالبانو د بامیانو د پخواني محمد طاهر زهیر څو وريرونه نیولي او په هلیکوپټرو کې کابل ته لېږدولي.
د سرچينو د معلوماتو له مخې، ياد شوي کسان پرون په دره صوف ولسوالۍ کې نیول شوي، خو شمېر یې نه دی معلوم.
طالبانو په دې اړه څه نه دي ویلي.
طاهر زهیر د جمهوري نظام په وروستيو کې څه موده د اطلاعاتو او فرهنګ وزارت سرپرست او دغه راز د بامیان ولایت والي و.
د طالبانو له لوري د هغه د کورنۍ د غړو او نورو پخوانيو چارواکو او حکومتي منسوبینو د نیولو خبرې په داسې حال کې دي، چې طالبانو هېواد ته د افغان سياستوالو د ستنولو لپاره ارتباطي کميسيون جوړ کړی او سياستوال په هېواد کې ډاډمن ژوند ته را بولي.