تاند(چار شنبه، د جوزا ۱۱ مه) د طالبانو د کډوالو او بېرته راستنیدونکو چارو وزیر او د حقاني شبکې یوه مشر خلیل الرحمن حقاني د استاد سیاف په ګډون د طالبانو له سیاسي مخالفینو غوښتي، چې کابل ته ستانه او د خبرو له لارې خپلې غوښتنې مطرح کړي.
حقاني پرون د یوې خبري ناستې پرمهال دا غوښتنه وکړه او ويې ويل، چې اروپا نه يو شمېر افغان علمي کادرونه هېواد ته ستانه شوي، چې دوی یې هرکلی کړی او د نورو افغانانو د ستنیدو هیله لري.
طالب وزير دا غوښتنه په داسې حال کې کوي، چې ډېرو افغان سیاسي څېرو هېواد ته د دوی د ستنیدو په اړه د طالبانو په جوړ شوي کميسيون او تګلارې نیوکې کړي.
د ولسي جرګې پخوانۍ غړې شینکۍ کړوخیل ويلي، چې طالبان د څه لپاره افغان سياستوال، په خاص ډول ښځې هېواد ته غواړي؟
د هغې په وینا د همدې لپاره، چې کرزي او عبدالله غوندې ېې نظر بند او هیڅ فعاليت ته پرې نه ږدي او که د يوه منتخب نظام، ګډ سوله ييز ژوند او ټولو ته د حقوقو د ورکړې پروګرام برابر شوی؟