تاند:( سې شنبه، د حمل ۱۶ مه) په نیمروز کې د طالبانو ځايي چارواکي وایي چې هېڅوک په بهرنیو اسعارو د توکو دپېر پلور اجازه نه لري.
د طالبانو د حکومت رسمي خبري اژانس ( باختر) د دغو چارواکو په حواله وايي، چې که څوک له دې پریکړې سرغړونه وکړي، له قانوني چلند سره به مخ شي.
د افغانستان په سرحدي ولایتونو کې د پاکستاني کلدارو او ایراني تومانو چلښت له پخوا څخه دود وه، خو د جمهوري نظام په وروستيو کلونو کې کلک بندیز پرې ولګول شو.
د طالبانو له واکمنیدو سره بیا د یادو پولي واحدونو د چلښت راپورونه ورکړل شول، خو طالب چارواکو یې پر وړاندې د اقداماتو اعلان وکړ.
له دې سره، ويل کيږي چې په دې اړه شوېو سپارښتنو ډېره عملي بڼه نه ده نیولې.
دا په داسې حال کې ده، چې طالبان د بهرنيو بشري مرستو له ترلاسه کولو سره د ډالرو پر وړاندې د افغانيو په ارزښت ساتلو بريالي شوي.
د طالبانو په کنټرول کې د افغانستان بانک مطبوعاتي برخې نن وویل، چې د ملګرو ملتونو ۳۲ میلیونه ډالره بشري مرسته بیا افغانستان ته رسیدلې او افغانستان بانک نن په کابل کې ۱۲ میلیونه ډالره ليلام کړي.
په کلدارو دې هم بندیز ولګوي ځکه په ټولو سرحدي ولسوالیو کې اوس هم پاکستاني کلدارې چلیږي.