محترم عبدالوحید وحید صیب!

زمونږ سلامونه او نیکی هیلی قبول کړۍ

لکه د همیشه په څیر ستاسو لیکنی ډیری پر ځای دی او همیشه مو په خپلو لیکنو کی د واقیعتونو په رڼاکی د خپلی څیړنې محتوا لوستونکو ته وړاندی کړه ده .او د افغانستان او افغانانو دردونه او کړاونه مو په خپلو لیکنو کی په ډیر ښه شکل رانغښتی او د حل د لارو مو ډیری ښی سپارښتنی کړی دی

خو له بده مرغه زمونږ حال دادی چی تاسو ورباندی په تیرو لیکنو کی هم رڼا اچولی چی زمونږ د هیواد حاکمان د ولس له منځه نه دی راپیداشوی چی په ریښتینی ډول د ولس نماینده ګی وکړی بلکه د بل چا په فکرونو او د پردو په جوټو روزل شوی او افغانستان کی ددې لارو نه واک ته رسیدلی جی موښی يی د افغانستان او افغانانو ښیرازی او خوشحالی نه بلکه د خپل قدرت سرچینو ته د افغانستان او افغانانو د بربادۍ په قیمت خپله وفاداری ورکول او شاباسی تری اخستل دی

بلی خوا زما په شمول زمونږ د ولس ډیره برخه همیشه د احساساتو په نیلي سواره همیشه د وخت سیاسی مداریانو، ددین او مذهب ټیکه دارانو او د ژبی اوسمت په نوم خود غرضه معتصیبونو تیریستلی او د خپلو ګټو لپاره يی د بی خبره پاک زړو افغانانو نه د خپلو ناوړو ارمانو نو د پوره کولو لپاره ګټه پورته کړیده

بیا ځنی هغه خلک دی چی هرواکدار ته يی غوړه مالی او بوټ پاکی کړی او همیشه يی د هر واکدار دربار ته ځان رسولی او واکداران يی په خپلو مدحو کی داسی غرق ساتلی چی د بل هیچا غږ اوریدو ته وخت نه لری

په افغانانستان کی لکه تاسو چی د میرمنو او نجونو موضوع روښانه کړی ده نه خو ورته د اسلام په چوکاټ کی حقوق ورکړل شوی او نه هم د انسانیت په چوکاټ کی

په اوسنی حالت کی هم یو وار بیا ددین او شریعت په نوم ورنه هغه حقوق هم په رڼا ورځ غصب کیږی چی رب العزت ورته ورکړی خو بلی خوا د دین همدا ټیکه داران خپلی لورګانو ته په پاکستان او عربی ملکونو کی د عصری تعلیم او تحصیل زمینه برابروی

د اوریدو له مخی د لوړو زده کړو وزیر کورنۍ اوس هم په پاکستان کی ده تر څو لورګانی يی د مردان په پوهنتون کی عصری تحصیلات تر سره کړی خو بیا دلته د خوار افغان بچیان نه پریږدی چی د باعزته ژوند تیرولو لپاره په تور او سپین وپوهیږی او علم او پوه تر لاسه کړی

اوسني حالاتو ته په کتلو، زمونږ هیواد د یو بل ناورین او بدبختۍ طرف ته په ډیره چټکۍ روان دی خو زمونږ ولس لا په ډیر دروند خوب ویده دی او یايی داسی نشه کړی چی عقل يی سرته نه راځی او په داسی خیالونو کی غرق دی او فکر کوی چی هر څه به ورته د اوسنی واکدارانو د کراماتو له امله ډیر ژر له اسمانه راولویږی او دوۍ به پکی بیا دحورو او غلمانو سره انډوخری کوی

سلامونه نيکې هيلې او مننه جناب دردمن افغان صاحب محترمه
زه يقيناً له تاسو سره ستاسو په ټول ارزښتناکه ارزونه باندي توافق لرم. همدغه راشغول شوي مشران، چاپلوسان مفسدين د خاورې او دين په نوم سياسي دوکاندارانو ټولو لاسونه سره ورکړي دي ترڅو موږ نور هم په تنور کې وسوځوي. مګر زه نه پوهېږم بله چاره څه ده. که پټه خوله ورته کينو خو دا هم د هرڅه سم دي باچا سلامت خبره شوه. وطن نور خرابيږي او ولس مو نور زيان هم ويني. که موږ او تاسو په پاک نيت د هر ډول امتیاز غوښتنې پرته دغو او نورو ته د نيکي لارې په دعوت وخت ولګوو کيداى شي رب العزت را باندي دومره مهربانه شي چې د حاکمې ډلې په زړونو کې نرمي راولي او ووايي چې دغه خلک خو زموږ بريا د هيواد د مينى په خاطر غواړي نو ولې ورسره د سمون او بدلون لپاره په ګډه کار ونکړو.
نوره له ما هم ورکه ده. هيڅ غوښتنه نلرم خو که ددغه ستر هېواد له ډيرو قرضونو څخه يوه وړه برخه ادا کړم يقيناً به مې روح ارام او مطمئن وي.
بيا هم مننه وروره

ښاغلی عبدالوحيد وحيد صاحب
د الله ج څخه درته اجرونه غواړم پر شه وخت مو شه لیکنه کړیده.
وروره شځه ځمونږ آبۍ، مور، خور، اما او ترور ده. مګر په افغانستان کی مونږ د دغه عزتمندو شځو په حقوقو تل زیاتی کړیدی. په تیره بیا روشنفکر خلقی، اسلام فکره تنطیمونو او اوس سپینو پټکیو ملایانو خپل ظلم داسی حالت ته ورساوه، چه غربی نړی ته وایی چه یا ډالری راکړی، یا مو په رسمیت وپیژنی؟ که نه؟ زه خپله آبۍ، مور، خور، آما او ترور نه پیژنم. او نه یی د پوهنی برخی ته پریږدم.

ځمونږ د شځو او انجونو عزت، تعلیم او زده کړی اوس په سیاست پوری تړل شویدی. مونږ اوس خپل عزت او ذلت په شځو پوری تړو، چه دغه کړه وړه او حالت د اسلامی احکامو او افغانی دود او ارزښتونو سره سر سخت په ټکر کی دی.

الله ج دیی داسی انسانان د افغانستان په خاوره حاکم کړی چه د الله ج د مخلوق(نر او شځی) انسانی حقوقو ته په یوه سترګه وګوری. نه دا چه وعده خلاف وی، چه یو ځل ووایی د حمل میاشتی په لمړی هفته کی به ټولی انجونی شونځی ته ځی، او بیا انجونو ته ووای چه د امر ثانی پوری ستاسی تعلیم معطل دی، مګر د خپل وزیر (شیخ شهاب الدین دلاور) لور ګانی یی د قطر په پوهنتونو کی عصری زده کړی کوی.
د الله ج حکم دی کله چه په اسلام کی څوک وعده ماته کړی، د هغو خلکو ټولی کړنی دروغ او دوکی وی.
آیا زمونږ انجونی د نورو اسلامی حکومتونو د انجونو سره توپیر لری؟
آیا زمونږ انجونی د لوړو زده کړو وزیر مولوي عبدالباقي حقاني او شیخ دلاور او نورو طالب چارواکو د انجونو سره توپیر لری؟

سلامونه او نيکې هيلې مې ومنئ وطن وروره
له پيرزوونو څخه مو نړۍ مننه. واقعيتونو ته مو اشاره کړې ده. يقيناً همدغه شان ده او يقيناً موږ هم له موعظه حسنه دعوت او سوله ایزې مبارزې پرته بله چاره او حل لاره نه لرو. موږ هم يو بام او دوه هوا په غبرګو سترګو وينو موږ هم دغه کار نا له ټولو ارزښتونو سره په ټکر کې او غيرمسئولانه اقدام ګڼو. د ولس د هيلو غوټۍ مو رژېدلې دي. کيداى شي زموږ بدبختي وي چې يا مفسدينو اوړو او يا هم په مټکورو.
بياهم مننه وروره. دعا راته کوئ کيداى شي رب په کومه ګناه نيولې يو

سلامونه او نېکې هیلې
ګواښ او وچ سیاست زموږ دکړکېچونو محراق نه د پرون باید پرېږدو او بر نن کار وکړو چې کوم کار دملت په خیر او فلاح دی . وطن مور ده و مور مو ده چې په څو ژبو کې په میم پیل کیږی.
ډېر جالب او مهم بحث دی زه هم غواړم له تاسې سره به دې برخه کې حصه واخلم خو خدای ج دې وکړی چې زما خبرې ستاسې دسوچ او اندېښنې خنډ ونه ګرځی. لیکوال جبرا لیکلی دغه کلیمه زماهم خوښیږی راځی جبرا دښځو موقف ، مقام او ارزښت دیوه انسان په توګه وڅېړو ، جبرا دکور د یوه مهم غړي په توګه ورته ګورو، جبرادژوند دشریک په توګه امتیاز ورکړو، جبراد محرم په توګه یی اهمیت وبېژنو ، د زړه سوانده خواخوږی په توګه، جبرادماشومانو او اوچت زعیم جوړونکی مبنایې وګڼو او جبرا دژوندانه په لوړو او ژورو معنوی ارزښت کې داقتصادی،تعلیمی، پوهې ،سیاسی ،تولنیزه پېچلو برخو ستره ملګرې او هغه تاریخچه رابرسیره کړو چې څلور لسیزو کې یې داستعمار په وړاندې دمجاهد ولس بې ساری قربانۍ ګاللی. کوم حق چې الله عزوجل بې له هرډول کرکې او انحصار په اسلام کې ښځې ته ورکړی بل هیڅ ایین کې یی حوک نشی ورکولی.ښځه په عامه توګه ابزار نه ده دمیلو او تماشو اله او وسیله نه ده بلکې بشپړ مکمل انسان دی.
دښځو په هکله دنا برابریو عوامل دادی:
الف: بې وخته سوء استفادې او په اتکل دهغو پر حق سترګې پټول
ب:په دوامداره توګه دیوه نسل څخه بل نسل ته دفرهنګ په نوم کرکې ، مرد سالاری او انحصاری پاټکونه
ج:دمقا ماتو عمومی تصدی او له قدرته ګټه اخیستل سیالی او نور هوسی تقلید اوپېښې
د: دیوه ملیت اړیکی برتری ،تعصب ، سمتی اوژبنی شرایطو باندې ولاړ
اسلام دفرد مقام باندې په پوهه عمل او کار باندې تاکید کوی نه فساد.
دښځو د کړکېچ په هکله په کال ۱۹۴۸ دملګرو او ناملګرو سازمان نړیواله اعلامیه کې چې دبشر دحقوقو په نوم تصویب شوه دغه نړیوال کنسواسیون کې احساساتی ، اخلاقی تکلیف او نورې اجتماعی ستونزو نمایشی ، سازش کاره ، جاسوس او لیونی کارونه ملګری شول. سیما سمر شعله ای هم دغه فساد کې له یوشمیر نورو د«راوا »دډلی غړې ملګرې شوې چې په هر استخباراتی تنور کې یې دمنافقت پکې ووهلی. لوڅه اریانا سعید، شکریه بارکزی، بې خبره محبوبه سراج، ناهید فرید، کوفی بدخشی دپخوانی پارلمان غړې ، کم اصل هنر مندان ،دامریکا دسولې انستتوت غړې دښځو په نوم چیغې او نارې وهی او نظام ننګوی چې دافغانستان داکثریتو عفیفو ،کونډو او رندو ،بې ګناهو ښځو څخه په هیڅ توګه استازیتوب کولای نشی چې دنړۍ په استخباراتی شبکو کې دحق ډبره په سینه ډبوی. کور مو ودان اوخوښ اوسی.
اسلامی امارت باید دنجونو ښونځی ژر تر ژره پرانیزی او ددې معصومې کتلې غم وخوری دا په هر لحاظ دملت په ګټه ده او یوه مجرده او عادی موضوع نه ده. افغانان اوس ضرورت لری چې خپله لاره خپلو کې وموندی اودمشروعیت لارې ته دمشرتابه مناسبې زمینې برابرې کړی وایی له پردي زوی خپله لور ښه ده!

سلامونه او مننه جناب ع شريف زاد صاحب محترمه
همدغه زموږ مطلب او موخه هم ده. اړتیا ديته شتون لري چې خپلې او دخپلو معصومو عفيفو خويندو د ديني حقونو ورکړي ته ذهنونه تيار کړو. طبيعي خبره ده چې د ناشولتو مټکورو او متعصبو ډلو له غبرګون سره مخ کيږو خو که نن له دغو سره د مخامخ کېدو جرئت ونکړو سبا کيداى را باندي ناوخته شي او ستا په خبره د دين وطن او ملت دښمنان د خپلو پراخو تبلیغاتي شبکو له لارې زموږ د نيمګړتياو او د کمزوري نکاتو د کارولو په مټ د ديني او ټولنيزو ارزښتونو د بدلون هڅه وکړي.