تاند:(چهار شنبه، د حمل درېیمه) د طالبانو د واکمنۍ یو ویاند انعام الله سمنګاني وايي چې هېواد ته د افغان شخصیتونو د ستنولو لپاره د دوی جوړ شوي کميسيون عملا خپل کار پیل کړی.
د هغه په وينا، د شېخ شهاب الدين دلاور په مشرۍ دا کميسيون به له بهر مېشتو افغان سیاسي او نورو شخصيتونو سره اړیکې ونیسي، څو هېواد ته د ستنېدو په اړه ډاډ ورکړي.
سمنګاني د کميسيون د چارو د څرنګوالي په اړه نور جزییات نه دي ورکړي.
په یاد کمېسيون کې، چې د طالبانو د رييس الوزرا د پریکړې په اساس جوړ شوی، د طالبانو يو شمېر وزيران او مهم کسان غړیتوب لري.
د اروپايي ټولنې تر څنګ يو شمېر افغان سیاسي څېرو د دغه کمیسیون د جوړېدو هرکلی کړی، خو ځينو نورو بيا د دې کمیسیون جوړیدل یو نمایشي ګام ګڼلی او ويلي طالبانو په کور دننه افغان شخصیتونو او کادرونو ته کله درانه وکتل، چې نورو ته د ستنېدو بلنې ورکوي.
طالبانو د افغانانو ښوونځي وتړل، مشر ملاهیبت الله یې مالوم ندی، د هغه د واټس اپ په یوې پاکستانۍ شمیرې دی، هیبت الله نشته پخوا ISI یا پاکستاني استخباراتو وژلې وژلی دی، او اوس د ملي بیرغ ضد دریځ، د تیر نظام د ټیټ پوړو چارواکو ګوښه کول، د انجونو د ښوونځیو تړل او د ټولشموله نظام ضد دریځ، د لوی جرګې راغوښتل له پامه غورځول – دا ټول د اسلام اباد څخه د ISI HQ یا استخباراتي مرکز څخه را استول کیږي.. خو متأسفانه طالبان یې په پټو سترګو پلي کوي.
أمیر المؤمنین خو عمر رضي الله عنه و، خلفاء راشدین و، چې د ولس په منځ کې به ګرځیدل، د شپې به یې د خلکو د احوالو نه ځان خبرولو، امیر المومنین دې ته نه وایې، چې په یوه سوړه کې پټ شه، او د پیرانو په شان یواځې Text Message رالیږه او نور مړی ژوندی یې ورک دی !
طالبانو دا شل کاله چې تاسې د جهاد په نوم کوم افغانان ووژل، د دوی اولادونه او میندې، خویندې، میرمنې او کورنۍ اوس نفقه غواړي، جامه غواړي، خوراک څښاک او د روغتیا لپاره دارو درمل او د ژوند ټولې بنسټیزې اړتیاوو ته لاس رسی غواړي، آیا دوی په اسلامي نظام کې په دولت حق نلري، چې د دوی څخه ملاتړ او دوی ته خدمتونه وړاندې کړي ؟؟
لطفا .. د خپل وړوکي سوچ او تنګ نظرۍ نه رابهر شئ، او دا شاوخوا اته دیرش میلونه خلک په تاسې حق لري، او تاسې د الله په وړاندې مسؤول یاست !