تاند: ( پنجشنبه ، د دلوې يوويشتمه) د طالبانو چارواکي وايي، چې په دوو جلا عملياتو کې ېې یوه نجلۍ او یو سوداګر د انسان تښوونکو له منګولو څخه آزاد کړي دي.
په غزني کې د طالبانو د امنیې قومندانۍ ویاند سید اسحاق صالح وایي چې د دوی ځواکونو په اندړو ولسوالۍ کې یوه نجلۍ د انسان تښتوونکي له منګولو آزاده کړې او په تړاو یې یو تن نیول شوی دی.
په بل خبر کې د طالبانو د استخباراتو رياست ويلي، چې په پروان ولایت کې يې د حاجي رجب په نوم يو سوداګر د تښتونکو له منګولو آزاد کړی دی.
ويل شوي، چې په دې عملياتو کې د تښتونکو يوه اندازه نقدې پيسې او وسلې هم ترلاسه شوي دي.
د طالبانو له واکمنیدو سره د انسان تښتونې پېښې ډېړې شوي، خو ورسره هم مهاله د تښتول شویو کسانو د ژغورنې خبر هم ډېر ورکول کېږي.