تاند: ( پنجشنبه ، د دلوې يوويشتمه) د کابل امنیتي چارواکو ویلي، چې يوه کس ۳ ښځينه وژلي او نیول شوی دی.
په يوه خپره شوې ویډیو کې تورن کس منلې، چې دا درې وژل شوې ښځینه یې ليرې خپلوان وو او د کورنيو ستونزو له کبله یې وژلې دي.
ويل شوي، چې يوه وژل شوې میرمنه د جمهوري نظام پر مهال د اطلاعاتو او فرهنګ وزارت کارکوونکې وه.
په ټولنیزو رسنیو کې دغه پېښه توندو غبرګونونو سره مخامخ شوې او عاملينو ته یې د سزا غوښتنه شوې ده.
طالب چارواکو د پېښې عاملینو سره د قانوني او جدي چلند خبر ورکړی.