تاند: ( پنجشنبه، د جدي شپاړسمه) د طالبانو د استخباراتو ریاست وايي، چې ځواکونو یې د یو لړ ځانګړو عملیاتو په پایله کې د کابل جلال اباد پر لویه لار د وسلوالو غلو یوه لس کسیزه ډله نیولې ده.
سرچینه زیاتوي: نیول شویو کسانو د خلکو له کورونو پیسې او قیمتي توکي غلا کول .
د معلوماتو له مخې، دغو شویو کسانو پر خپل جرم اعتراف کړی او فعلاً تر څېړنو لاندې دي.
د دوی د هويت او نورو جزيياتو په اړه څه نه دي ويل شوي.
طالبانو پرون په خوست او کابل کې د ۱۴ انسان تښوونکو د نیولو خبر ورکړی و.
د دوی له واکمنیدو سره که څه هم د جګړې د ختمېدو له کبله د وژنو کچه تر ډېره حده کمه شوې، خو د اقتصادي او بشري ناورين او شدیدې بې کارۍ له امله د جنايي پېښو کچه لوړه شوې ده.