راشد خان تېره شپه په سل بالیزه سیالیو کې د ښې توپ اچونې تر څنګ ښه ډګرساتنه هم وکړه.
نوموړي ۳ لوبغاړي وسوځول او ۲ کېچونه یې ونیول.
د لوبې په پیل کې مانچسټر پچه وګټله او لومړی یې توپوهنه غوره کړه.
مانچسټر په ټاکلو ۱۰۰ توپونو کې د ۸ لوبغاړو په سوځېدو ۱۳۵ منډې وکړې.
کولن مونرو ۴۵ او جو کلارک ۲۷ منډې وکړې.
د روکیټس له خوا راشد خان بیا ښه توپ اچونه ترسره کړه چې ۳ لوبغاړي یې وسوځول.
د راشد اړوند ټرینټ روکیټس لوبډلې په ۹۵ توپونو کې د ۳ لوبغاړو په سوځېدو هدف پوره شو او د ۷ ویکټو په توپیر یې بریا خپله کړه.