تاند ( شنبه، د سرطان ۱۹) ولسمشر غني نن سهار د یوه لوړ پوړي پلاوي په مشرۍ خوست ولایت ته تللی.
ارګ په یوه خبرپاڼه کې ویلي، چې ولسمشر به په دې سفر کې د خوست هوایی ډګر به په رسمي ډول پرانیزي او دغه راز به د دغه ولایت عمومي وضعیت هم و ارزوي.
سرچینه زیاتوي، چې ولسمشر غني به په دې سفر کې د خوست له ولایتي مسوولینو او عامو خلکو سره هم وګوري.
د یادونې ده چې د تېرې جوزا میاشتې په ۱۳ مه نېټه یاد هوايي ډګر ته لومړنۍ نړیواله الوتنه ترسره شوه.
په یاده الوتنه کې شاوخوا ۸۰ مسافر د خوست هوایي ډګر ته په لومړي ځل را ښکته شول.
دغه هوايي ډګر تازه د افغان حکومت په لګښت جوړ شوی او ټاکل شوې چې د لا پراختیا لپاره یې کار وشي.