تاند ( پنج شنبه، د سرطان ۱۷) د پاکستان او وېسټ انډیز ښځینه لوبډلو ترمنځ لومړۍ نړیواله یو ورځنۍ لوبه تېره ورځ د وېسټ انډيز په ګټه پای ته ورسېده.
د لوبې پچه وېسټ انډيز وګټله او پاکستان ته يې د توپ وهنې بلنه ورکړه.
د پاکستان ښځینه لوبډلې په ټاکلو ۵۰ اورونو کې د ۹ لوبغاړو په سوځېدو ۲۰۵ منډې وکړې.
د ویسټ انډیز ښځینه لوبډلې په ۴۸ ام اور کې د ۵ لوبغاړو په سوځولو ټاکل شوی هدف پوره او لوبه یې وګټله.
د یادو دواړو لوبډلو ترمنځ د ۵ نړیوالو یو ورځنیو لوبو لړۍ دویمه نړیواله یو ورځنۍ لوبه به د جولای په نهمه نېټه ترسره شي.