تاند ( یک شنبه، د سرطان ۶) وېسټ انډيز په لومړۍ شل اوره لوبه کې هم سويلي افریقا ته د ۸ ویکټو په توپیر ماتې ورکړه.
د لوبې په پیل کې وېسټ انډیز پچه وګټله او لومړی یې سویلي افریقا ته د توپ وهنې بلنه ورکړه.
سویلي افریقا په ټاکلو ۲۰ اورونو کې د ۶ لوبغاړو په سوځېدو ۱۶۰ منډې وکړې.
وېسټ انډیز لوبډلې ټاکل شوی هدف په ۱۵ اورونو کې د ۲ لوبغاړو په سوځېدو پوره کړ او د ۸ ویکټو په ستر توپیر یې سویلي افریقا ته ماتې ورکړه.
د یادونې ده چې یادې دواړه لوبډلې په خپلو کې ۵ نړیوالې شل اوره لوبې لري چې دوهمه به یې د جون په ۲۷مه نېټه سره شي.