تاند( یک شنبه، د سرطان ۶) انګلستان په دریمه نړیواله شل اوریزه لوبه کې هم سریلانکا ته د ۸۹ منډو په ستر توپیر ماتې ورکړه.
انګلستان په دې لوبې سره سريلانکا وایټ واش کړه.
په دې لوبه کې سریلانکا د پچې له ګټلو وروسته توپ اچونه غوره کړه.
انګلستان په ټاکلو ۲۰ اورونو کې د ۶ لوبغاړو په سوځېدو ۱۸۰ منډې وکړې.
ډیویډ مېلن ۷۶ او جوني بیریسټو ۵۱ منډې ترلاسه کړې.
د سریلانکا له خوا بیا دوشمانتا چمیرا ۴ لوبغاړي وسوځول.
د سریلانکا لوبډلې په ۱۹ اورونو کې د ټولو لوبغاړو په سوځېدو ۹۱ منډې وکړې او د ۸۹ منډو په ستر توپیر يې ماتې وخوړه.
د سریلانکا لپاره بینورا فرنانډو تر ټولو زیاتې ۲۰ منډې وکړې.
د انګلستان له خوا بیا ډیویډ ویلي ۳ او سام کرن ۲ لوبغاړي وسوځول.
د یادونې ده، چې له دې وړاندې ۲ نورې شل اوره لوبې هم انګلستانۍ لوبډلې په ښه توپير ګټلې دي.