تاند – هندي رسنۍ وایي، د باليووډ سینما مشهور اداکار او تقاعد شوی پوځي بکرم جیت کنورپال هم د کورونا وبا له له کبله خپل ژوند وبایله.
کورنپال د پوځي دندې سربېره د بالیووډ سینما مشهور اداکار و چې د ۵۲ کلنۍ په عمر کې د کورونا ناروغي له کبله مړ شو.
نوموړي په ۲۰۰۲ کال کې د هند پوځ څخه تقاعد ترلاسه کړ او په ۲۰۰۳ کال کې يې په فلمونو کې کار شروع کړ.
د معلوماتو له مخې، بکرم جیت هغه له کوچنیوالي څخه د فلمونو سره مینه وه چې له پوځي دندې وروسته یې ځان دې هدف ته رسولی و.
د بالیووډ دې فلمي اداکار په ډېرو مشهورو فلمونو او سریالونو کې کار کړی و.
هغه د بالیووډ مخکښ او هټ فلمونو لکه پيج ۳، اراکشن، پریم رتن دهن پایو، جب تک هی جان، ۲ سټیټس او نورو ډېرو فلمونو کې رول لوبولی و.
د بکرم جیت کنورپال وروستی فلم “دي غازي اټېک” و، چې مرکزي کردارونه پکې رانا دګوبتي او تاپسي پنو لوبولي و.
د بکرم جیت په مړینه د باليووډ مشهورو اداکارانو غمرازي ښکاره کړې ده او دا يې د هندي سینما لپاره ضایع بللې ده.
وحید
ورور جانه که دی لیکلی وای چی کرونا دهند مشهور فلمی اداکار بکریم جیت کنور هم وواژه غوره به وه.
که د یوه خبر يه بڼه دې رااخیستی وای لکه: دهندستان دفلمی نړۍ نامتو کرکتر بکریم جیت د کرونا له امله ژوند له لاسه ورکړ. بیا به هم غلط نه و.
خدای دی دا بد خبرونه نور پای ته ورسوی.
تاند کی لا دا بله ګوره:
بی روحه ارواوی
هیڅوک نه وایی چی وا وروره روح او اروا دواړه یو شی دی دا داسی ده لکه څوک چی وایی بی تنی جسمونه!!