تاند ( جمعه، د حوت ۲۹) د مسکو ناستې په ګډه اعلامیه کې له ټولو ښکېلو خواوو څخه غوښتل شوي، چې تاوتريخوالی کم کړي.
په اعلامیه کې له ښکېلو لوریو غوښتل شوي، چې د خبرو له لارې په افغانستان کې داسې جوړجاړي ته ورسېږي، چې د ماشومانو، ښځو، د جګړې د قربانیانو او د ټولو افغانانو حقوق په کې خوندي وي.
د روسيې، امریکا، چین او د پاکستان په دې ګډه اعلاميه کې دغه راز ويل شوي، چې دوی د “اسلامي امارت” د بېرته راتګ ملاتړ نه کوي.
دا په داسې حال کې ده چې یاده غونډه د روسیې، امریکا، چین او پاکستان ترمنځ د ترویکا د ناستو دوام دی چې په هرو شپږو میاشتو کې یو ځل کېږي، خو دا ځل یې یوه برخه د افغانستان سولې ته ځانګړې شوې ده.
عبدالله د مسکو غونډې ته: افغانستان د تېرو کلونو افغانستان نه دی
د یادې ناستې په څنډه کې ملا برادر د افغان سولې لپاره د امریکا له ځانګړي استازي زلمي خليلزاد سره هم کتلي دي.
دغه راز افغانستان لپاره د پاکستان ځانګړي استازي محمد صادق هم د طالب پلاوي له مشر ملا برادر سره کتلي او د سولې پړ اړوندو موضوعاتو یې خبرې کړې دي.
