تاند ( پنج شنبه، د حوت ۲۱) د سوک وهنې افغان لوبغاړي عبدالعظیم بدخشي د آزادو سیالیو په یوه لوبه کې خپل اذربایجاني سیال ته ماتې ورکړه.
دا لوبه چې نن شپه ترسره شوه په کې د آزادو سیالیو افغان مبارز عبدالعلي بدخشي خپل سیال اذربایجاني سیال اګيشن بابائف ته په بحرین کې ماتې ورکړه.
د لوبې په پيل کې اګیشن پیاوړی ښکارېده خو افغان لوبغاړي په لومړي پړاو کې په پرلپسې حرکتونو خپل سیال نېک اوټ کړ.
د بدخشي دې بریا په ټولنیزو رسنیو افغان کاروونکي هم خوښ کړي.
دوی ټولو هېوادوالو ته د دې بریا مبارکي ویلې ده او دا یې د هېواد لپاره ستر ویاړ بللی دی.
د یادونې ده چې له دې وړاندې یوه بل مخکښ افغان مبارز احمد ولي هوتک بیا په کابل کې خپل روسي سیال ته ماتې ورکړې وه.