تاند(سه شنبه، د حوت ۱۹) ټاکل شوې د ۱۴۰۰هـ کال کې د کمال خان بند رسماً پرانېستل شي.
د افغانستان د سوداګرۍ او صنعت وزارت ویاند فواد احمدی رسنیو ته ویلي چې دغه بند د اقتصادي او صنعتي په تېره بيا د هېواد د کرنې په وده او پراختيا کې حياتي رول لري.
نوموړي زیاته کړې، د خصوصي برخې استازو هم ژمنه وکړه چې د کمال خان بند د پرانېستلو مراسمو کې ګډون کوي او د تبليغاتي توکو، بېل بورډونو په چاپولو، راډيويي اعلانونو په خپرولو او د نورو توکو برابرولو کې به خپل مسووليت ادا کړي.
د کمال خان بند د جوړولو کار د هېواد د لومړني ولسمشر شهيد سردار محمد داوود خان دوره کې پيل او له ٤٤ کلن ځنډ وروسته د ولسمشر غني دوره کې د افغانستان له پرمختيايي بودجې څخه بشپړ شو.
د کمال خان بند شاوخوا ۲۰۰ میلیونه متره مکعب اوبه ظرفیت لري، چې د ۴۰۰ زره جریبه څخه د زیاتې ځمکې خړوبولو او ۹ میګاواټه بریښنا تولید لپاره به وکاروي.
د دې بند کار په ۲۰۱۷ کال کې د افغانستان له پراختیايي بودیجې څخه د شاوخوا ۸۰ میلیونه ډالرو په لګښت پیل شو.
د کمال خان بند د نیمروز ولایت مرکز، زرنج ښار څخه پنځه کیلومتره وړاندې د چاربرجک ولسوالۍ د هلمند سیند ته څیرمه موقعیت لري.
ماشا الله. ډېر ښه