تاند (شنبه د حوت ۲) د کورنیو چارو وزیر مسعود اندرابي وايي چې د هېواد د لویو لارو ۱۳۵ او دغه راز د کابل دروازو ۵۱ تنه منسوبین د غیر قانوني اخاذیو په تور له دندو ګوښه شول.
ښاغلي اندرابي نن شنبه پر خپل ټویټر لیکلي چې د کورنیو چارو وزارت امنیتي معین او اړوند ټیمونه په دې برخه کې د اصلاحاتو راوستو په خاطر کار کوي.
قبلا به هموطنان عزیز خود اطمینان داده بودم که مشکل اخاذی را تعقیب و حل میکنیم. ۱۳۵ تن از موظفین شاهراه و ۵۱ تن از منسوبین دروازههای کابل برکنار شدند. معین ارشد امور امنیتی با تیمهای موظف در خصوص انکشاف اصلاحات کار میکنند. جزییات کاملتر را بخش مطبوعات ما با شما شریک میسازد. https://t.co/5pT2QWQ3kT
— Masoud Andarabi (@andarabi) February 20, 2021
بایل وویل شي چې تر دې مخکې د کورنیو چارو وزیر په خپلو خبرو کې ویلي و چې د لویو لارو د ستونزو هوارولو ته به پر وخت رسیدګي کیږي.
مسعود اندرابي پرون جمعه د ترانسپورټي شرکتونو له مسؤلینو سره په لیدنه کې هغوی ته پر لویو لارو د ستونزو د هوارولو ډاډ ورکړی او زیاته کړې یې وه چې د ولایتونو امنیه قوماندانانو ته دنده سپارل شوې څو د لویو لارو د ستونزو هواري پخپلو کاري لومړیتوبو کې ونیسي او هره ورځ د خپل کار نتیجه له کورنیو چارو وزارت سره شریکه کړي.
د یادونې وړ ده چې له شااوخوا تېرو درې اونیو راپدېخوا د بار وړونکو موټرو چلوونکو کاري اعتصاب پیل کړی و.
د موټر چلوونکو په وینا چې پر لویو لارو له دوی څخه په غیر قانوني ډول پیسې اخیستل کیږي او په وینا یې وهل ټکول کیږي.