تاند ( جمعه، د کب ۱ ) د انسټاګرام کاریال تازه خپلو کاروونکو ته اعلان کړی چې په راتلونکې کمه موده کې به د څو کسانو یوځای خبرو اتر اسانتیا رامنځ ته کړي.
د هندوستان په ممبۍ ښار کې د انسټاګرام څانګې د خبرپاڼې په خپرولو سره ویلي چې دوئ په څو راتلونکو اونیو کې د څو کسانو یو ځای سټرمینګ یعنې په ژوندۍ بڼه د یوځای خپرونې اسانتیا اضافه کوي.
خبرپاڼه کې د دغه کاریال د اجراوي مشر ایډم میسوري له قوله ویل شوي، دوئ د څلور کسانو په یوه ځای د ژوندۍ خپرونې اسانتیا وړاندې کوي چې په یادو کسانو کې به یو کوربه او درې میلمانه وي.
د سرچېنې د معلوماتو له مخې، انسټاګرام د دې نوې اسانتیا رامنځ ته کولو ټول لومړني امتحاني مراحل بشپړ کړي دي.
دې کاریال د ۲۰۲۰ م کال د ډیسمبر میاشتې راپدیخوا په امتحاني ډول په هند کې دغه اسانتیا ارزولې چې د خلکو له تود هرکلي سره مخ شوې.
دا په داسې حال کې ده چې هندوستان کې په ۲۰۲۰ م کال کې په ټیک ټاک بندیز د انسټاګرام ۶۰ سلنه کارونکي زیات کړي او د ژوندۍ خپرونې په مهال د څلورو کسانو دغه اسانتیا سره به هندوستان کې د انسټاګرام کارونکي څو چنده نور هم زیات شي.
باید یاده شي چې اوس وخت کې انسټاګرام باندې یواځې کوربه په ژوندۍ بڼه راتلی شي خو میلمانه ځآن سره نشي راخیستی.