تاند ( چهارشنبه، د دلوې ۲۹) د سویلې افریقا کرکټ ملي لوبډلې پياوړي لوبغاړي فاپ ډوپلیسي نن د فبرورۍ په ۱۷مه نېټه د ټېسټ کرکټ سره مخه ښه وکړه.
هغه اعلان وکړ چې له دې وروسته به په ټېسټ کرکټ کې ونه لوبیږي.
په ټېسټ لوبو کې ډوپلیسي خپله وروستۍ لوبه د پاکستان په کوربتوب د یاد هېواد پر وړاندې تر سره کړه.
نوموړی په یاده لوبه کې هم ښه وځلې.
تمه وه چې نوموړی به د اسټراليا پر وړاندې په راتلونکو ټېسټ لوبو کې د افریقا په ګټه ولوبيږي خو هغه لوبې د کورونا وبا له امله اسټراليا کرکټ بورډ لغوه اعلان کړې.
ډوپلیسي د افریقا لپاره په ۶۹ نړیوالو ټېسټ لوبو کې ۴۱۶۳ منډې او په ۱۴۳ یو ورځنیو لوبو کې يې ۵۵۰۷ منډې تر لاسه کړې دي.
د ده تر څنګ ډوپلیسي بیا د افریقا لپاره په پنځوس شل اوريزو سیالیو کې ۱۵۲۸ منډې جوړې کړې دي.