تاند(جمعه، د دلوې ۲۴) یوې نسبتاً شدیدې زلزلې، چې شدت یې د ځینو راپورونو له مخې د ریښتر په حساب لږترلږه ۶ اعشاریه ۳ درجې و، نن شپه د افغانستان او ګاونډیو هیوادونو یو شمېر سیمې ولړزولې
هندي رسنۍ وايي، د دغه هیواد د زلزله پېژندنې د مرکز د معلوماتو پر اساس د دې زلزلې مرکز د افغانستان د بدخشان ولایت مرکز فیض اباد ته نژدې و.
د هند د زلزله پېژندنې ادارې د راپور له مخې، زلزله د افغانستان په وخت د شپې په ۱۰ بجې او ۳۱ دقیقې پېښه شوه.
د راپور له مخې د زلزلې مرکز تر مځکې ۷۳، ۵۸ کیلومتره لاندې و.
د هندي رسنیو پر اساس، دې زلزلې د دغه هیواد د پنجاب ایالت امرتسر او نوی ډیلی هم لړزولي دي.
تراوسه پورې د زلزلې له کبله د احتمالي مرګ ژوبلو او تاوانونو په اړه کوم راپور نه دی ورکړی شوی.