تاند( شنبه، د دلوې ۲۵) د کونړ په نرنګ ولسوالۍ کې د سولې تر سرلیک لاندې د والیبال پیل شوې لوبې د نرنګ لوبډلې په بریا پای ته ورسېدې.
د دغو سیالیو د پای لوبې په مراسمو کې د والیبال سلګونو مینه والو ګډون کړی وو.
په دې مراسمو کې د کونړ ولایت مرستیال والي واصف الله واصفي د هېواد ابادۍ، سولې او پرمختګ په لاره کې د ځوان کهول په اغېزمنو هڅو ټینګار وکړ.
هغه ورزش د ځوانانو ترمنځ د ښو اړیکو او یووالي ټینګښت لپاره مهم وباله او د لا پرمختګ په برخه کې یې ژمنه وکړه.
په ورته مهال د کونړ ورزشي امریت د والیبال فدراسیون مشر محمد شعیب حماد وایي، له دې لوبو څخه یې موخه د ۱۹ کلنو او ولایتي منتخبې لوبډلو لپاره د پیاوړو لوبغاړو ټاکل وو.
حماد وایي ولایتي منتخبې لوبډلې لپاره به له ټولو لوبډلو په شرایطو برابر لوبغاړي وټاکي.
دغه سیالۍ څو ورځې وړاندې د مرکز او پنځلس ولسوالیو لوبډلو ترمنځ پیل شوې وې، چې پای لوبه یې نن د نرنګ او څوکۍ ولسوالیو لوبډلو ترمنځ ترسره.
د نرنګ لوبډلې وکولای شول چې دا لوبه په ښه توپير وګټي.