تاند ( یک شنبه ، د دلوې ۱۹) د متحده عربي اماراتو په لس اوره سوداګریزو لوبو کې پای لوبه د ناردرن واریرز او ډیلي بولز لوبډلو ترمنځ ترسره شوه.
په پآی لوبه کې ناردرن واريرز پچه وګټله او ډیلي بولز لوبډلې ته یې د توپ وهنې بلنه ورکړه.
ډيلي بولز لوبډلې په ټاکلو ١٠ اورونو کې د ٩ لوبغاړو په سوځېدو ٨١ منډې وکړې.
محمد نبي ٢١، رحمن الله ګوربز ١٣ او اېون ليويس ١٠ منډې وکړې.
د ناردرن واريرز له لوري مهېش تهيکشانا ٣، جنيد صديقي او دنانجايا لکشن ٢-٢، رياد ايمريټ او فابين الين ١-١ وېکټ واخيستې.
د ناردرن واريرز لوبډلې په ٨.٢ اورونو کې د ٢ لوبغاړو په سوځېدو ټاکل شوی هدف او د ٨ ويکټو په توپير يې بريا خپله کړه.
واریرز لپاره وسيم محمد ٢٧، رومان پاويل ١٦ ناسوځېدلې، لينډل سيمونس ١٤ ناسوځېدلې او نيکولاس پوران ١٢ منډې وکړې.
د ډيلي بولز له لوري فيډل ايډورډز او شيراز احمد ١-١ لوبغاړي وسوځول.
پاور هيټرجايزه محمد وسيم، د مېجيک مومنټ او د لوبې د غوره لوبغاړي جايزې مهيش تيکشانا ته ورکړل شوې.
د يادولو ده چې ناردرن واريرز په ٢٠١٨ کال کې هم د ټي ١٠ ليګ اتلولي خپله کړې وه.
دا دوهم ځل شو چې یاده لوبډله د لس اوره لیګ اتلولي ګټي.