جمعه, مارچ 24, 2023
Home+د نړۍ د وېشلو مهمه غونډه

د نړۍ د وېشلو مهمه غونډه

تاند – اته اویا کاله پخوا د ۱۹۴۵ ع کال د فبرورۍ په څلورمه ورځ د دوهمې نړیوالې جګړې په وروستیو ورځو کې د یالتا کنفرانس د متفیقینو د مشرانو (ستالین، روزولټ او چرچل) په ګډون د تور سمندرګي په غاړه پیل شو.

د متفیقینو مشرانوپه دې کنفرانس کې د جرمني اوجاپان د برخلیک په هکله چې نور یې په ماتې کې شک نه ؤ پاته، پرېکړه وکړه.

په حقیقت کې د یالتا کنفرانس د نړۍ اود جګړې د فاتحانو ترمنځ د غنیمتونو پر وېشلو خبرې وې. د متفقانو مشرانو د یالتا په غونډه کې وپتېیله چې جرمني باید غیر نظامي شي او خاوره یې پر دوو برخو ووېشل شي. چرچل هڅه وکړه چې د جرمني د خاورې یوه برخه فرانسې ته ورکړل شي چې تراوسه پورې هغه برخه د فرانسې په کنټرول کې ده.

د اروپايي هیوادونو په اړه چې د جرمني له غضبه خلاص شوي ول، د متفیقینو مشرانو جوړه وکړه چې هغوی د خپل برخلیک په ټاکلو کې ازاد پرېږدي، البته له هغو هیوادونو پرته چې شوروي اتحاد غوښتل چې باید په خاورې پورې یې ضمیمه شي.

خو ستالین په دې غونډه کې د خپلې ژمنې خلاف د ختیځې او منځنۍ اروپا (له اتریشه پرته) په ټولو هیوادونو کمونیستي رژیم په زوره د خپل سره پوځ په وسیله تحمیل کړ.

له بلې خوا وروسته له دې چې امریکا د جاپان پر ضد له اتومي وسلې کار واخیست او مخکې تر دې چې جاپان پوره تسلیم شي، د شوروي پوځ له موقع ګټه واخیسته او د جاپان د خاورې ځینې برخې یې لاندې کړې چې تراوسه پورې روسیې ورباندې خېټه اچولې ده.

په دې ډول د ۱۹۴۵ع کال د فبرورۍ په څلورمه په یالتا کې د دوهمې نړیوالې جګړې د فاتحانو روزولټ، ستالین او چرچل غونډه بیل شوه. دوی په دې جګړه کې نړۍ ووېشله خو د شوروي اتحاد له ماتېدو وروسته نړۍ یو واربیا ووېشل شوه خودا وار د ملتونو اراده پکې زیاته تمثیل شوه.

2 COMMENTS

  1. افغانانو هم د خپل هیواد یو زیاته او موهمه برخه له لاسه ورکړه،ځکه چه له جرمنی فوځیانو سره یی د انسانی کرامت څخه کار اخیستی ؤ او افغانی میلمه پالنه یی کړی وه

  2. سلامونه،
    هتلر خو نازي فاشست شوی و غیر له خپل ځانه ېې نور نه ليدل او تر ټولو مهم دښمن ېې یهودان ول. او متفقينو) ډیوایډ انډ روول( کړل
    مګر افغانستان روسيې ته څه زیان رسولی و چې حفیظالله امين ېې وواژهء او د منځنۍ آسیا لګکیان ېې د افغانستان خوا ته را هی کړل او آن د خر-آسان ، ستمپف ، هزاره ګی استان (د فارسشستان او ) تاجوکوستان ، او د ایشچي-دوشتمستان مکروبونه او ویروسونه ېې چې آخري ېې د کورونا ماویستان دي را چغه کړل!!!
    پریزیدڼټ م.ا.غني ېې له هرې خوا راچارپېره کړی چې نه د امان الله خان ، او نه د داوود خان پلانونو ته ېې نه پرېږدي .
    د پنجابستان ۵ مخي توب ېې بل ابليسي پلان دی چې د جان کېري، پمپیوو او دڼنه ستون پنجم له خوا د موبي ګروپ په زهرجنو تبلیغیاتو د خلقو سترګو ته خاوري شيندي .
    الله دې د دې دریمې نړۍ او مسلمانانو مل شي.
    الحمد لله خلګ پخپلو منځو کښې خپل دي او د ابر قدرتانو لوبو او لابیانو ته به نه راځي.

LEAVE A REPLY

Please enter your comment!
Please enter your name here

- Advertisment -

ادب