د کابل پولیس وایي، د ښار اتمې ناحیې اړوند سیمه کې د پولیسو او غلو ترمنځ نښته کې یو غل وژل شوی دی.
د کابل امنیه قوماندانۍ ویاند فردوس فرامرز وايي، د کابل په اتمې ناحیې اړوند سیمه کې تیره شپه د پولیسو او غلو تر منځ نښتو په ترڅ کې یو غل ووژل شو او بل يې ونیول شو.
دا په داسې حال کې ده چې پرون د ولسمشر لومړی مرستیال امرالله صالح هم د خپل شپږنیمو بجو ناستې په راپور کې ویلي وو، چې د کابل ښار په اتمې ناحيې اړوند سیمه کې د ترهګرانو پټنځای پیدا شو.
دغه راز صالح په دې اړه ویلي وو،چې په دې کور مقناطیسي بمونه ساتل کیدل او نوموړي زیاته کړه چې ورڅخه څلور تنه ترهګر ونیول شول.
د کابل وګړي هر کله له وسله والو غلو سر ټکوي او دولت د دغه غلو په نیولو کې په پاتې راوستو تورنوي.