د کابل ښاروالي وایي، ډېر ژر به کابل ښار کې د ښاروالۍ ښاري بسونه فعاله شي.
د کابل ښاروالۍ لخوا په خپره شوې خبر پاڼه کې راغلي، ټاکل شوې ده کابل ښاروالۍ ډير ژر د کابل په یوه سیمه کې د ښاروالۍ ښاري بسونه فعال کړي.
دغه راز د کابل ښاروالۍ د کابل ښاریانو ته د ټرانسپورټي اسانتیاوو برابرولو ژمنتیا ورکړه.
دا په داسې حال کې ده چې تر دې مخکې هم د کابل ښاروالۍ لخوا د ښاري بسونو د فعاله کیدو وعدې ورکړل شوي وي او د کابل ښار په بیلابیلو سیمو کې تم ځایونه هم جوړ شوي وو، خو لا تراوسه ورته د بسونو سیستم ندی جوړ شوی.
دغه راز د یادو تم ځایونو پر جوړښت خلکو سختې نیوکې وکړې او زیاته یې کړه، چې د دې په جوړښت کې فساد شوی او د باران له کبله د دغې تم ځایونو ټول رنګونه اوښتې دي.
د یادونې ده چې کابل ښار د ګڼې ګوڼې له پلوه په ټول هېواد کې ساری نه لري او په زیاته کچه موټر په ورځني ډول په کې ګرځي را ګرځي.
د کابل ښاریان وایي، که په ریښتیا د کابل ښاروالي غواړي دغه ګڼه ګوڼه کمه کړي ښاري بسونه دې زیات کړي او له ټکسي بغیر دي نورو شخصي موترونو ته د سپرلۍ د وړلو اجازه نه ورکوي.
چې ډېری وخت په شخصي موټرونو کې د سپرلۍ د وړلو له کبله ګڼې ستونزې را ولاړې شوې او غله هم له دې څخه په ګټې اخیستنې له خلکو د هغوی توکي او پیسې اخلي.