تاند (چهارشنبه، د جدي ۸) د رسنیو د راپورونو له مخې په کرویشیا هېواد کې ٦،٥ درجې زورورې زلزلې ګڼ ښارونه لړزولي دي.
سرچینې وایي چې، دې زلزلې يو شمېر ښارونو کې ودانۍ هم ورانې کړي او ځاني زیان هم لري.
د کرویشیا امنيتي چارواکي وایي چې د دې زلزلې له امله ٧ وژل شوي او په زیات شمېر نور ټپيان شوي دي.
د زلزلې مرکز د کرویشیا له پلازمینې څخه څلوېښت کیلومتره لرې و او ویل کېږي چې ان د کرویشیا په شاوخوا هېوادونو کې یې هم ټکانونه حس شوي دي.
امنیتي سرچینې وایي خلک له خپلو کورونو وتلي او ښایي د مرګ ژوبلې ارقام هم لوړ شي.
دوی زیاتوي چې له خلکو سره د بېړنیو مرستو د رسولو لپاره هم هڅې پيل کړې دي.
په ټولنیزو رسنیو کې هم د دې زلزلې انځورونه خپاره شوي او په کې لیدل کېږي چې مالي زیان یې ډېر اړولی دی.