تاند ( سه شنبه، د قوس ۲۵) د استراليا سوداګریزو سیالیو بېګ باش ۷مه لوبه کې دمجیب الرحمن اړوند لوبډلې دوهمه ماتې وخوړه.
دا لوبه د برېسبين هېټ او سډني تنډر لوبډلو ترمنځ په کانبرا کې ترسره شوه.
برېسبين هېټ لومړۍ توپوهنه وکړه او په ټاکلو ٢٠ اورونو کې د ٦ لوبغاړو په سوځېدو ١٧٨ منډې وکړې.
په دې پاڼۍ کې کريس لين د ٥ شپږيزو او ٣ څلوريزو په مټ په ۴۴ توپونو ۶۹ تر نورو ډېرې منډې جوړې کړې.
د هدف دترلاسه کولو لپاره مقابله لوبډله لوبغالي ته راغله خو ډېر پياوړی پيل یې درلود.
د سيډني تنډر لوبډلې ۱۷۹ منډو هدف په ۱۹ ام اور کې د ۶ لوبغاړو په سوځېدو پوره کړ.
مجیب په دې لوبه کې یواځې د یو لوبغاړي په سوځېدو بریالی شو.
د لوبې غوره لوبغاړی ډينيل سامس ته وټاکل شو.
د بيګ باش ليګ ۸ مه لوبه نن د ډسمبر په ۱۵مه نېټه د هوبارټ هوريکنز او اډلايډ سټرايکرز لوبډلو ترمنځ ترسره کېږي.