تاند- د جنوبي کوریا څېړونکو یو ډول مصنوعي پوستکی اختراع کړی چې سرتېرو ته امکان ورکوي چې د جګړې په میدان کې ځان پټ کړي او په دوربینونو کې ونه لیدل شي.
دا پوستکی په ۵ ثانیو کې له هغه ځای سره خپل رنګ ورته کوي چې سرتېری پکې وي.
مثلاً که شین ځای وي د پوستکي رنګ هماغسي اوړي خو که وچ او خړ ځای وي د پوستکي رنګ په ۵ ثانیو کې د خاورو په شان رنګ خپلوي.
په اصل کې دا پوستکی اغوستل کېږي.
د څېړونکو په وینا له مایکرو کمرو څخه په استفادې یې دا سیستم جوړ کړی چې په اتومات ډول د چاپېریال له رنګ سره خپل رنګ برابروي.