تاند- اپل یو نوی مک بوک ایر راوایست چې پروسریسر یې M1 دی.
د M1 ځانګړتیا دا ده چې د نورو کمپیوټرونو د پروسیسرونو په پرتله یې سرعت دوه برابره دی، له همدې کبله دا نوی مک بوک ایر (2020 MacBook Air) د اپل تر ټولو چټک کمپیوټر ګڼل کېږي.
اپل د دې لپ ټاپ سي پي یو د مک لپاره ځانګړې جوړه کړې ده.
د دغه نوي مک بوک ایر لومړنۍ بیه ۹۹۹ ډالره ده. د اپل د مخکیني مک بوک ایر، چې په مارچ میاشت کې یې بازار ته راوایست، بیه هم همدومره وه.
د اپل د نوي مک بوک ایر د ابتدايي ماډل حافظه یا میموري ۸ جي بي او ستوریج یې ۲۵۶ جي بي دی. همداراز په 7core GPU سمبال دی.
خو د هغه ماډل، چې میموري یې ۱۶ جي بي او ستوریج یې ۲ ټي بي دی، بیه تر ۲ زره ډالره لوړه ټاکل شوې ده.