تاند(جمعه، د عقرب ۱۶) افغانستان ته د پاکستان صادرات د تېر کال د ورته مودې پرتله د روان مالي کال په لومړيو درېو مياشتو کې ۱۳.۹۸ سلنه کم شوي دي.
له جولای تر سپټمبر میاشتې افغانستان ته د پاکستان صادراتو کچه ۲۰۹.۸۶۸ ميليونه امريکايي ډالر ثبت شوې، خو تېر کال د صادراتو دغه کچه ۲۴۳.۹۸۰ امريکايي ډالر ثبت شوې ده.
د دغه کمي یو لامل د لارو تړل کېدل ښودل شوي دي. د صادراتو د کموالي له امله نه يوازې د پاکستان په اقتصاد بد اغيزی شوی بلکې ورسره د بې کارۍ کچه هم لوړه شوې ده.
په پاکستان کې د اقتصادي چارو کارپوهان وايي، د پاکستان او افغانستان تر منځ سوداګریزې اړيکي زیاتره وخت د سياسي اړيکو د ترينګلتيا ښکار کېږي.