تاند(یکشنبه، د عقرب ۱۱) ایران وايي په چابهار بندر کې کارو بار د پراختیا په حال کې دی.
د ایران د سوداګرۍ د برخې چارواکي وايي چې د لارو له جوړېدو او امکاناتو له برابرېدو سره په چابهار بندر کې سوداګریز فعالیتونه ډېر شوي دي او دغه بندر د ودې په حال کې دی.
دوی وايي همدا چې د هرات-خواف رېل پټلۍ پرانیستل شي او بیا له چابهار بندر سره وصل شي په سیمه کې به یو ستر تحول رامنځ ته شي.
ایران وایي له افغانستان سره به په دې توګه په صادراتو کې ډېروالی راشي او ترانزیت به هم ارزانه شي.
ایران تمه لري چې چابهار بندر د افغانستان له لارې له مرکزي اسیا سره ونښلوي.