تاند ( پنج شنبه، د میزان ۲۴) د افغانستان د روغتیا وزارت مسولان وایي، چې په تېرو ۲۴ ساعتونو کې د هېواد په بېلابېلو ولایتونو کې د کورونا وبا ۲۴۸ نمونې څېړل شوې دي.
یاد وزارت زیاتوي له یادو نمونو د ۳۲ هغو پایله مثبته وتلې ده.
له دې سره په ټول هېواد کې پر یادې ناروغۍ د اخته کسانو شمېر ۴۰ زره او ۲۶ ته رسېدلی دی.
د یاد وزارت په خبره په همدې موده کې له کورونا وبا د مړینې کوم راپور نه دی ورکړل شوی خو ۹۳ نور بیا بېرته روغ شوي دي.
د روغتیا وزارت د وروستیو معلوماتو له مخې، تر اوسه په هېواد کې له کورونا وبا ۱ زر او ۴۸۱ کسان مړه شوي او ۳۳ زره او ۴۴۷ نور بیا بېرته روغ شوي دي.