تاند(چهارشنبه، د میزان ۲۲) په هرات ولایت کې د سړک د غاړې د یوه ماین چاودنې ۱۸ ملکي وګړو ته مرګ ژوبله اړولې ده..
د کورنیو چارو وزارت ویاند طارق ارین ویلي چې د هرات ولایت، کشک کهنه ولسوالۍ په باتورخاني سیمه کې نن چهارشنبه له غرمې وروسته د سړک غاړې ماین چاودنې پنځه ملکي وګړي وژلي او ۱۳ نور یې ټپیان کړي دي.
هغه زیاته کړې چې په وژل شویو او ټپیانو کې ښځې او ماشومان هم شامل دي.
ارین ویلې چې دغه ملکي وګړي د یو واده مراسمو ته روان وه چې د سړک غاړې ماین پرې وچاودید.
ارین د چاودنې پړه پر طالبانو اچولې ده خو د یادې ډلې په ګډون هیڅ یوې وسله والې ډلې تر اوسه د دغې پېښې مسوولیت نه دی منلی.