تاند (جمعه، د میزان ۱۱) د آرمنستان ملي شورا د نګورنو قره باغ په شخړه کې له آذربایجان څخه د افغانستان له ملاتړ څرګندولو وروسته د ډله ییز آ منیت تړون سازمان او له دارالانشا څخه غوښتي، چې د څارونکي په توګه په دې بنسټ کې د دې هېواد غړیتوب لغوه کړي.
دا په داسې حال کې ده، چې د افغانستان د بهرنیو چارو وزارت څو ورځې مخکې د نګورنو قره باغ په اړونده سیمه کې د آرمنستان او آذربایجان ترمنځ پر روانو نښتو د اندېښنې څرګندولو تر څنګ له آذربایجان څخه ملاتړ او د دواړو لورو تر منځ یې پر ځاني او مالي زیانونه خواشیني هم ښکاره کړې ده.
بهرنیو چارو وزارت ټینګار کړی، چې د نګورنو قره باغ سیمه په نړیواله کچه د آذربایجان د یوې برخې په توګه پېژندل شوې او په دې اړه د آذربایجان، نړۍ او د نورو هېوادونو د خلکو او حکومت له هڅو ملاتړ کوي.
په دې وروستیو کې د ارمنستان او اذربایجان ترمنځ اړيکې خورا ترینګلي شوي او سختې نښتې هم شوې دي.