تاند ( یک شنبه، د میزان ۶) د افغانستان د فوټبال فدارسیون مطبوعاتي مسئول شفیع شاداب وایي، چې
نن کومه لوبه نشته او د روانو لوبو درېيمه لوبه به سبا دوشنبه د سپین غربازانو او موجهای امو ترمنځ ترسره شي.
د دې لوبو په دوهم لوبه کې شاهین اسمايي لوبډلې میوند اتلانو ته صفر د درې په مقابل کې ماته ورکړه.
د افغانستان د فوټبال غوره لیګ سیالۍ د تېرې پنجشنبې په ورځ پيل شوې، چې په لومړۍ لوبه کې طوفان هریرود لوبډلې اباسین څپې لوبډلې ته یو د صفر په مقابل کې ماتې ورکړې وه.
د فوټبال غوره لیګ نهم پړاو سیالیو په لومړي ګروپ کې شاهین اسمايي، سیمرغ البرز، عقابان هندوکش او د میوند اتلان شامل دي، خو په دویم ګروپ کې بیا طوفان هریرود، سپین غربازان، موجهای آمو او د اباسین څپې لوبډلې ګډون لري.