تاند ( یک شنبه، د میزان ۶) د راپورونو له مخې ارمنستان د اذربایجان دوې چورلکې او درې بې پيلوټه الوتکې په نننۍ نښته کې په نښه کړې او له منځه يې وړې دي.
په ورته مهال د اذربایجان پوځ ویلي، چې ارمنستاني ځواکونو د دوی له پولې سره نږدې تحرکات پیل کړي دي، چې د پوځ له جدي غبرګون سره مخ شوي.
دوی زیاته کړې، چې پر ارمنستاني پوځیانو به يې هوایي او ځمکني بریدونه دوام کوي.
بل لورته د ارمنستان پوځ بیا ویلي، چې د اذربایجان چورلکې او بې پيلوټه الوتکې یې په نښه کړې دي او دغه جګړه هم لومړی اذربایجاني لوري پیل کړې ده.
تر اوسه د دغه جګړې په درېدو کې چا مداخله نه ده کړې خو، ښایي د سیمې هېوادونه د دواړو لورو ترمنځ د جګړې د درېدو هڅه وکړي.