تاند (چهارشنبه، د میزان ۲) د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد ویلي دوی اوس هم د سولې په پروسه کې دخیل دي او هر څه له نږدې څاري.
خلیلزاد زیاته کړې امریکا به ټولې هغه غوښتنې بیا بیا په مذاکراتو کې مطرح کوي کوم، چې هغه د هر افغان حق خوندي کولای شي.
نوموړي د امریکایي استازو پوښتنو ته په ځوابونو کې ویلي، چې د امریکا او طالبانو هوکړه تر اوسه په سمه توګه عملي شوې نه ده، خو بیا هم دا د امریکا لپاره ویاړ دی.
د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد دغه راز ډاډ ورکړی چې بین الافغاني مذاکرات به بریالي کېږي او په افغانستان کې به د روانې جګړې د درېدو سبب ګرځي.
نوموړي دا هم ویلي چې د شوروي تر وتلو وروسته د افغان مشرانو غیر معقول چلند افغانستان د جګړو په ډګر بدل کړ خو، امریکا به هېڅ وخت اجازه ور نه کړي، چې په دغه هېواد کې د ۱۹۹۰ز کال پېښې بیا تکرار شي.
https://taand.net/%d9%bc%d8%b1%d9%85%d9%be-%da%98%d8%b1-%d8%a8%d9%87-%d9%84%d9%87-%d8%a7%d9%81%d8%ba%d8%a7%d9%86%d8%b3%d8%aa%d8%a7%d9%86-%da%85%d8%ae%d9%87-%d8%ae%d9%be%d9%84-%da%81%d9%88%d8%a7%da%a9%d9%88%d9%86%d9%87/